Oui oui Guy j'avais bien compris.
J'ai essayé de lire il y a quelques temps les "Lais de Marie de France" dont les mots sont encore plus anciens...et je n'ai absolument rien compris, juge toi même:
"Asez me plest e bien le voil,
Del lai qu’hum nume Chievrefoil,
Que la verité vus en cunt
Pur quei fu fez e dunt.
Li reis Marks esteit curuciez,
Vers Tristram sun nevuz iriez ;
De sa tere le cungea
Pur la reïne qu'il ama.
En sa cuntree en est alez ;
En Suhtwales u il fu nez,
Un an demurat tut entier,
Ne pot ariere repeirier;
Tristram est dolent e pensis:
Pur ceo se met de sun païs.
En Cornvaille vait tut dreit,
La u la reïne maneit.
En la forest tut sul se mist,
Ne voleit pas que hum le veïst ;
Od païsanz, od povre gent
Perneit la nuit herbergement.
Ceo li dïent qu'il unt oï
Que li barun erent bani,
A Tintagel deivent venir,
Li reis i veolt sa curt tenir.
Le jur que li rei fu meüz,
E Tristram est al bois venuz
Sur le chemin quë il saveit
Que la rute passer deveit,
Une codre trencha par mi,
Tute quarreie la fendi.
Quant il ad paré le bastun,
De sun cutel escrit sun nun.
Se la reïne s'aparceit,
Que mut grant gardë en perneit
De sun ami bien conustra
Le bastun quant el le verra.
Ceo fu la summe de l'escrit
Qu'il li aveit mandé e dit :
Cume del chevrefoil esteit
Ki a la codre se perneit:
Quant il s'i est laciez e pris
E tut entur le fust s'est mis
« Bele amie, si est de nus:
Ne vus sanz mei, ne mei sanz vus! »
La reïne vait chevachant;
Ele esgardat tut un pendant,
Le bastun vit, bien l'aparceut,
Tutes les lettres i conut.
Del chemin un poi s'esluina ;
Dedenz le bois celui trova
Que plus amot que rein vivant.
Entre eus meinent joie mut grant.
Mes quant ceo vient al desevrer,
Dunc comenc(er)ent a plurer.
Tristram a Wales s'en rala,
Tant que sis uncles le manda.
Pur la joie qu'il ot eüe
De s'amie qu'il ot veüe
Tristram, ki bien saveit harper,
En aveit fet un nuvel lai ;
Gotelef l'apelent en engleis,
Chevrefoil le nument Franceis.
Dit vus en ai la verité
Del lai que j'ai ici cunté."