Ou mon desir m'assouvira
par Alain CHARTIER
Ou mon desir m'assouvira,
Ou ma tristesse m'occira
Pour vous, belle, prouchainement,
Se mon cueur quiert l'alegement
Du mal que pour vous servir a.
Ung de ces deux me suffira,
N'espoir plus ne me mentira,
Si j'ay de parler hardement,
Ou mon desir m'assouvira.
Tout bien ou tout mal m'en ira,
Car quant vostre bouche dira
Oy ou nenny, tout seulement,
Elle asserra le jugement
Dont mon dueil o* moy finera
Ou mon desir m'assouvira.
(*) avec
Ce poème a été vérifié et le contenu authentifié.
Poème posté le 08/03/11
par Rickways